حوزہ نیوز ایجنسی کی رپورٹ کے مطابق، انتظامیہ، مقننہ اور عدلیہ کے سربراہ اور ملک و نظام کے اعلیٰ حکام سنیچر 8 مارچ 2025 کو رہبر انقلاب اسلامی سے ملاقات کریں گے۔ یہ سالانہ ملاقات ہے اور ہر سال رمضان المبارک میں منعقد ہوتی ہے۔
اس ملاقات میں مختلف سول اور فوجی شعبوں کے اعلیٰ عہدیدار، سابق عہدیداران، سماجی اور ثقافتی شعبوں میں سرگرم افراد حسینیۂ امام خمینی میں اکٹھا ہوتے ہیں اور رہبر انقلاب کے خطاب سے پہلے صدر مملکت تقریر کرتے ہیں۔ آخر میں مغرب اور عشاء کی نماز رہبر انقلاب اسلامی کی امامت میں ادا کی جاتی ہے۔
ماہ رمضان میں ملک کے اعلیٰ حکام کی یہ ملاقات، رہبر انقلاب کی سالانہ ملاقات میں بہت اہمیت رکھتی ہے اور اس میں رہبر انقلاب کے خطاب میں عام طور پر اہم مسائل، جنرل پالیسیوں اور اسلامی جمہوری نظام کے روڈ میپ پر روشنی ڈالی جاتی ہے۔
آپ کا تبصرہ